आपन
गरू छगरी के गोहार घर में ढुकाय
के मंगरा बूढ़ा कुइंया में
हाथ-गोड़
धोय के आपन पीड़ा में बैइठ
के चीनी चाय पीयत रहे.
सांझ
कर बेरा रहे. भइर
दिन कर रौदाल मंगरा के
थाकल नियर लागत रहे से ले मने
मन एकाइगो संग भी खोजत रहे कि
कई मिलबैं तो चरिया घर जाय
के एकाइ गो हड़िया पीयब. मंगरा
आपन पीड़ा में बैइठ के इ
सोचत रहे,
तखने
करिखा लखे करिया मुंह लेके
थाकल हारल जागे आय गेलक.
![]() |
google image |
मंगरा
उके देइख के कहलक की कहां
रे जागे कहां जाय रहिस आइज गरू
चराय भी नई आले.
तो
जागे कहलक की रांची जाय रही
बूढ़ा, ढइर दिन
से खोखी ठिक नई होअत रहे थो
जाय रही रिम्स में देखाय,
एतई
भीड़ रहे की का बताइउ.
एतइ
रोगी दुनिया में बइढ़ जा हथू.
तोहिन जवान
रहा से बेरा अइसन भीड़ होअत
रहे. मंगरा
कहलक की नई रे बाबू हामिन बीमार
कम पड़त रही. देसी
खात पीयत रही लेकिन अब कर परिया
में तो हवा बसात सभे बदइल
गेलक. हाइब्रिड कर
चक्कर में देसी सिराय गेलक,
से
ले अब कर जवान छोड़ां मने
भी फारम मुर्गी लखे होय जा
हैं.
जागे बीच में टोकलक आऊर कहलक इ सब बात के छोड़ इ बातव बूढ़ा कि, रांची में हाम एगो बड़का गो तिरपाल लखे
कपड़ा देखलिअउ,
जेके
लोहा कर खूंटा में बाइंध दे
रहथू. उकर
में लिखल रहउ,
मैं
हूं चौकीदार.
उकर
में मोदी कर बड़का गो फोटो
रहे. तुरंत
मंगरा कहलक अरे हां रे आइज
गांवों में आंय रहैं बीडीओ
मने सबके वोट देवे कहले.
कहत
रहैं वोट जरूर देबे.
तो
जागे कहलक ठीके कहथीस बूढ़ा,
हाम
भी रेडियों में सुइन रही.
फिर
जागे कहलक लेकिन हामके इ समझ
में नई आवथे कि चौकीदार काहे.
हाम
तो पेपर में पइढ़ रही की सत्ता
कुर्सी कर खेल होवेला तो इ
चौकी आउर चौकीदार बीच में
कहां से आय गेलक.
मंगरा
कहलक हामिन कर जमाना में कुर्सी
से काम चलत रहे,काहे
कि सब कुछ कम रहे.
अब
सब कुछ ज्यादा होय गेलक से ले
अब चौकीदार होय गेलेंय.
आउर
इकर फायदा भी है रे जागे,
चौकी
में बगरा जगह रहेला,
जखन
मन बैइठ,
जखन
मन सुत.
जागे
कहकल लेकिन इ बगरा ठांव मड़ियायला,
तुंरत
मंगरा कहलक अरे छोड़ा फायदा
भी तो है इकर से.
एखन
तोय एक दिन में रांची घुइम के
डॉक्टर के देखायके चइल आले,
पइसा भी
नई लागलऊ.
रोड
बनलऊ से ले नय.
हामर
देख पहिले नून चाय पियले ले
भी एक कचा नय मिलत रहे अब देख
चीनी चाय पियउला.
राइत
के अब अंधार में नय रहेक पड़उला,
पक्का
मकान देख बनथउ.
अब
राइत अंधार के डिब्बा लेके
दोइन बटे नय जाइक पड़उला.
जागे
बीच में टोकाय के कहलक तो इकर
से चौकी कर का संबंध हउ बूढ़ा.
मंगरा
कहलक सुन रे बाबू तखन से तोके
एहे समझात रही...
सेले
अब कुर्सी नहीं चौकीदार हो.
गोलक,
काहेकि
चौकी से ज्यादा फायदा है,
चौकीदार
से ज्यादा फायदा है.
तखने
जागे कर फोन में फोन आलक,
जागे
स्पीकर ऑन करलक तो आवाज आलक
मै भी चौकीदार,
फिर
दुनो चरिया घर चइल गेलएं.